Три натпревари од петтото коло во Евролигата се одложени поради коронавирусот, соопштија од елитното натпреварување.
Очигледно, на одложувањата им нема крај, ниту пак има реално решавање на конкретната ситуација.
Како што се наведува во соопштението, натпреварите Зенит - Олимпија Милано и Ефес - Асвел се одложени бидејќи руските и француските клубови немаат осум здрави играчи, колку што е потребно за натпревар.
Натпреварот помеѓу Алба и Басконија е одложен бидејќи берлинскиот клуб е во изолација.
Според новата, изменета регулатива, еден натпревар од Евролигата и Еврокупот може да се одложува најмногу трипати, по што ќе биде регистриран со официјален резултат (20:0) на штета на тимот одговорен за неиграње.
За потсетување, одложен беше и натпреварот Црвена звезда - Асвел, и треба да се игра во нов термин.