Новата Mazda CX-30, Mercedes GLB и Ford Explorer се единствените модели кои добија по 5 ѕвездички во најновите тестирања на Euro NCAP, независно тело што врши проценка на безбедноста на возилата во Европа.
Mazda доби најдобар резултат досега во категоријата заштита на возрасни патници – 99%. SUV моделот на јапонската автомобилска компанија исто така доби максимални бодови и на тестирањата за страничен удар и на симулацијата за страничен удар во дрво.
„Ова навистина е импресивен модел. Во случај на несреќа има многу малку места што се побезбедни од предните седишта на Mazda CX-30“, изјави Метју Ејвери од компанијата што ги спроведува NCAP тестовите.
CX-30 доби резултат од 86% за заштита на деца, 80% за ранливи учесници и во сообраќајот и 77% за безбедносни функции.
