Повеќето од нас тежнеат кон рамен и цврст стомак. Доколку ова е и вашата цел, тогаш знаете дека физичката активност и правилната исхрана се вашите најдобри сојузници за постигнување на целта, бидејќи само така можете да се ослободите од масните наслаги кои ви ја нарушуваат линијата.
Но, освен што е важно да јадете здрави и избалансирани оброци, важно е и тоа што го грицкате помеѓу оброците, а тоа дефинитивно не треба да бидат слатки и останати нездрави грицки, кои не ви помагаат во одржувањето на гладта под контрола.
Што да се грицка и тоа секојдневно? Бадеми.
Иако цената не им е ниска, бадемите се вбројуваат во суперхрана, а содржат и најмалку калории од сите јаткасти плодови. Освен тоа, богати се и со магнезиум и витамин Е.
Бадемите ќе ви помогнат во постигнувањето на рамниот стомак, но и во заштита од кардиоваскуларни болести, бидејќи содржат и здрави масти, кои го смалуваат нивото на лошиот LDL холестерол.
Една рака дневно ќе ви биде доволна мерка.