Оскарите се најпопуларните филмски награди кои секоја година им се доделуваат на режисери, актери, продуценти и други филмски работници кои се дел од создавањето на седмата уметности.
Низ текот на годините, најразлични филмови се наградени од Американската филмска академија, но остварувањата на еден жанр скоро во целост биле исклучени за разгледување на ова признание. Станува збор за хорор филмовите.
Досега, само шест филмови од овој жанр се номинирани како најдобри за Оскар, пишува Vogue.
„The Exorcist“ е првиот хорор номиниран за Оскар за најдобар филм, а покрај тоа имаше уште 9 номинации. „Get Out“ беше номиниран за Оскар во четири категории, меѓу кои и за најдобар филм. Сепак, доби Оскар за најдобро оригинално сценарио.
Ремек-делото „Jaws“ на Стивен Спилберг беше номинирано за четири Оскари, но филмот беше награден со 3. За жал, меѓу нив не беше најважната награда, за најдобар филм.
„The Silence of the Lambs“ засега е единствениот хорор филм награден со Оскар за најдобар филм. Паранормалниот хорор филм „The Sixth Sense“ беше номиниран за Оскар во 6 категории, но остана без наградата за најдобар филм.
1.The Exorcist (1973)
2.Get Out (2017)
3. Jaws (1975)
4. The Silence of the Lambs (1991)
5. The Sixth Sense (1999)
6. Black Swan (2010)