Пред милион години звуците во планините на „небесниот остров“ во источна Африка веројатно биле многу слични на оние кои може да се слушнат и денес. За препознатливиот звук заслужна е групата на ситни, шарени птици кои пеат една иста мелодија повеќе од 500.000, а можеби и милион години.
Птиците од семејството Nectariniidae се шарени и мали, се хранат со нектари и личат на колбири. Тие се вообичаен дел од фауната на Азија и на Африка.
Познати се како небесни островски птици, живеат на планинските врвови во источна Африка, од Мозамбик до Кенија. На овие висини се изолирале различни популации од овој вид, а размножувањето трае десетици илјади па до милиони години.
Тим истражувачи истражи дали пеењето на овие птици останало исто низ нивната долгогодишна еволуција. Во периодот меѓу 2007 година и 2011 година го снимиле пеењето на 123 поединечни птици од шест различни популации на овој вид птици. Потоа развиле статистичка техника за анализа на развојот на нивното пеење.
Резултатите покажале дела некои од тие изолирани популации уште ја пеат истата песта. Тоа упатува дека меѓу сите популации песната не е променета и е специфична за целиот вид, иако различните популации немаат меѓусебна интеракција.
Анализирајќи ги генетските разлики меѓу популациите, откриено е дека двете популации од видот кои биле најдолго одвоени имале скоро идентични песни, додека двете други популации кои биле одвоени на пократко време имале многу различни песни.
Резултатите биле прилично интересни, се смета дека птиците на северната земјина хемисфера развиле нови бои, песни и однесување со цел да се адаптираат на новото опкружување, како што е присутноста или отсутноста на глечери.
Но, планините во источна Африка доживеале мали геолошки промени што сугерира дека птиците немале причина да развијат поинакви пердуви или ново пеење. Заклучокот е дека птиците и нивните песни можат да останат непроменети милиони години, сè додека промените во околината не ги натераат на тоа.
