Град во Алјаска се збогуваше со сончевата светлина за следните два месеци.
Завчера сонцето зајде во гратчето Уткиагвик, порано познато како Бароу, за последен пат годинава и повторно ќе изгрее за 66 дена.
Градот кој се наоѓа северно од Арктичкиот Круг влезе во својата годишна фаза на темнина, позната како поларна ноќ, пишува CNN.
„Поларната ноќ е нормална појава што се случува секоја зима во Бароу (Уткиагвик) и сите други градови во рамките на Арктичкиот Круг“, објаснува метеорологот на CNN, Алисон Чинчар.
Феноменот се јавува секоја зима поради наклонот на Земјината оска. „Заради тоа навалување, ниту еден сончев диск не е видлив над хоризонтот“, вели Чинчар.
Но, тоа не значи дека во градот ќе биде целосно темно.
„Поголемиот дел од дневните часови ќе поминат низ период познат како граѓански самрак“, додава таа.
„Замислете како изгледа небото непосредно пред изгрејсонцето или веднаш по зајдисонцето“, вели тој. „Тоа е она што тие ќе го гледаат неколку часа на ден, отсега до 22 јануари, кога сонцето повторно, официјално ќе изгрее.“
Градот не е единствениот на Алјаска што го поминува овој феномен, но тој е прв на листата локации со поларни ноќи бидејќи е толку далеку на север.
Патем, во текот на летото, таму се случува спротивниот феномен, познат како поларен ден, поради што „денот трае“ 24 часа.