Живот

Овој град нуди необична причина зошто треба да го посетите

12. октомври 2017 - 17:59 | М.Д.

Австралиски експерти за туризам биле повеќе од збунети кога градот Ексмут го истакнал својот „најсилен адут“ за посета.

Постојат многу причини да го посетите Ексмут. Се наоѓа во близина на гребенот Нингал, совршено место е за набљудување на кит – ајкули и одличен е за склопување на пријателства и размена на искуства, во однос на тоа дека секоја година го посетуваат голем број на туристи.

Сепак, во својата неодамнешна промотивна кампања, овој град истакна прилично необичен адут.

Станува збор за прва австралиска зона во која е искоренета употребата на метамфетамин.

„Ако веќе постојат зони без нуклеарно зрачење или зони со минимално загадување, не гледам причина зошто ние не би го рекламирале Ексмут како зона без метамфетамин“, изјави окружниот комесар Ијан Флечер.

Флечер објасни дека градот порано имал „сериозен“ проблем со оваа врста на дрога и дека новиот слоган меѓу другото претставува и начин за надлежните да не „забиваат со глава во песок“. 

Коментирај