Повеќето од нас не можат ни да замислат да поседуваат автомобил „Lamborghini“, бидејќи луксузниот спортски автомобил е еден од најскапите на светот. Меѓутоа љубителите на овој спортски гигант полесно ќе може да дојдат до еден друг Lamborghini производ.
Откако „Lamborghini“ се здружи со јапонскиот производител на спортски обувки „Mizuno“, заедно создадоа патики за трчање.
Патиките Wave Tenjin 2 се резултат на петгодишното партнерство меѓу двете компании.
Исто како спортските автомобили што беа инспирација за нив, патиките се изработени квалитетно и со завидни перформанси. Поголемиот дел од обувката се состои од лесен полиестер во комбинација со карбонски влакна што удобно се обвиткуваат околу стапалото.
Инспирација за дизајнот на патиките е најновиот модел на италијанскиот спортски гигант, Aventador.
Патиките Wave Tenjin 2 се достапни за 401 долар на веб-страницата на „Mizuno“, а моделот го има во повеќе бои.
Некои варијации на првите модели моментално се на намалена цена. Црвените, зелените и белите може да ги купите за 241 долар.
