Во летната сезона има голем избор на овошје и зеленчук. Поголем дел од нив содржат мал број калории, богати се со влакна и спречуваат зголемување на тежината.
Според Светската здравствена организација, јадењето на најмалку 5 порции различно овошје и зеленчук по 80 грама дневно го намалува ризикот од сериозни здравствени проблеми. Неодамнешните студии покажаа дека јадењето на одредени овошки може да помогне во губењето на тежината.
Дел од нив се токму и овие четири овошки:
Лубеница
Лубеницата е 90 проценти вода и е еднa од најдобрите намирници за јадење, ако се обидувате да ослабете. Сто грама лубеница содржи само 30 калории. Одличен извор се на аминокиселината аргинин која помага во брзо согорување на мастите. Лубеницата е одлично освежување меѓу оброците.
Банани
Просечна банана содржи 27 грама јаглехидрати, 105 калории и 3 грама влакна. Многу се здрави, го одржуваат притисокот низок и спречуваат создавање киселини. Доволно е да јадете една банана дневно.
Диња
Дињата не содржи висок дел на калории ни јаглехидрати, а е одличен извор на витамин А. Овој витамин помага во одржувањето на здравјето на очите и кожата. Исто така го поттикнува метаболизмот и го подобрува имуниот систем.
Праски
Истражувањата покажуваат дека праските содржат состојки кои помагаат во превенција на дебелина, високо ниво на холестерол и дијабетес.
