Тереза Меј е „политички мртвa“, изјави денеска во интервју за BBC, поранешниот британски министер за финансии Џорџ Озборн.
Озборн, кој беше шест години министер во двете влади на премиерот Дејвид Камерон, кога Меј беше министер за внатрешни работи, верува дека „веќе во текот на следната недела“ може да биде покренат процес за изгласување недоверба како партиски лидер на актуелна лидерка на Конзервативната партија и мандатар за нов премиер на Британија и за нејзино сменување.
Поранешниот министер и еден од тогашните претенденти за наследник на Камерон, тврди дека во редовите на конзервативците владее „исклучително гневна атмосфера“ поради неуспехот на ториевците на изборите од 8 јуни, на кои партијата која имаше удобна предност пред опозициските лабуристи, го загуби мнозинството во Долниот дом на Парламентот.