Германскиот Турчин му се налути на Арсенал затоа што клубот не го поддржа кога побара поддршка за муслиманите во Кина кои според него се угнетени.
Месут Озил е загрижен за малцинството Ујгури од кое најголемиот дел живее во северозападниот дел на Кина, односно во автономната покраина Синчијан. Се работи за луѓе од турската група на народи кои се муслимани. Инаку, во Кина е забранета било која религија, не само исламот.
„Го палат Куранот, ги затвораат џамиите и училиштата, ги убиваат верските предводници. Мажите ги носат во логори, а нивните фамилии мора да живеат со кинески мажи. Жените мораат да се омажат за Кинез. Но, муслиманите молчат, не се бунат. Ги напуштија. Па нели знаат дека на тој начин го одобруваат овој прогон?“, го крена гласот Озил.
Арсенал на тоа одговори со соопштение: „Објавеното од Озил е негово лично мислење. Како фудбалски клуб, Арсенал одамна има одлучено да не се заминава со политика“.
Ова дистанцирање на неговиот клуб го разлути натурализираниот Германец кој обвини за двојни аршини откако „Топчиите“ претходно дадоа поддршка на движењето „Black Lives Matter“.
„Секој човек е ист. Не е важно која религија и која боја сте - муслиман, христијанин, евреин, црн, бел или нешто друго. Сите сме исти. Она што го кажав не беше против кинескиот народ, беше против оние кои им го прават сето она на ујгурските муслимани и против оние што не им помагаат, како останатите муслимански земји“, вели Озел во интервју за The Athletic.
Од милијарда и пол жители во Кина живеат вкупно 12 милиони Ујгури. Се шпекулира дека кинеските власти во обид да го интегрираат ујгурското малцинство на сила ги носат во т.н. кампови за реедукација. Некои тврдења одат дотаму и дека врз нив се применува стерилизација за да не можат да имаат наследство.
„Многу му дадов на Арсенал, на и надвор од теренот, па нивната реакција ме разочара. Рекоа дека не се мешаат во политика, но ова не е политика, а плус тие се замешаа во други работи“.
„Во Америка видовме дека кога Џорџ Флојд беше убиен светот се крена да каже дека „Црните Животи се Важни“ (Black Lives Matter) и тоа беше коректно. Сите сме еднакви и добро е што луѓето се борат против неправдата. Има многу црни играчи и навивачи на Арсенал и супер е што клубот ги поддржа. Но, посакувам луѓето да го направеа истото и за муслиманите бидејќи Арсенал има многу играчи и навивачи мулсимани и важно е светот да каже дека и 'Муслиманските Животи се Важни' (Muslim Lives Matter)“, заврши играчот на Арсенал.
Инаку, во Кина прогонувано е и населението на Тибет кое ја применува будистичката религија. И Тибеќаните и Ујгурите најмногу се прогонувани не поради нивната религија, туку поради тоа што се залагаат за отцепување со независни држави Тибет и Источен Туркистан.