Месут Озил наводно и официјално одлучил дека нема да го продолжи договорот со Арсенал, а веќе ја знае и својата следна дестинација.
Според информациите од англискиот таблоид Mirror, Месут Озил веќе им сооштил на некои свои соиграчи дека го напушта клубот, но останува во Премиер лигата.
Овој магазин пренесува дека тој е блиску до Манчестер Јунајтед кој нема да делува во јануари туку ќе почека договорот да му истече и бесплатно да го добие следното лето.
Мурињо имаше успешна соработка со Озил во Мадрид и наводно тоа е причината поради која Озил е подготвен да ги намали своите финансиски барања за да заигра за Јунајтед.
Тој нема понуди, освен од Турција, Венгер ќе се обиде да го продаде во јануари, но тоа тешко дека ќе се случи, бидејќи никој не сака да плати за играч чиј договор истекува на 1 јули.
Ниту во Арсенал не сакаат тој да остане, некои од играчите се лути на него бидејќи е незаинтересиран. Германецот одби да потпише нов договор од 275,000 фунти, бараше 350,000 што би го направило најплатениот фудбалер во Премиер лигата.
Ова нема да го добие ниту од „Црвените ѓаволи“, но од друга страна, ова е за него стратегија со која конечно би го напуштил Арсенал и шанса да ја оживее својата кариера.
Во јавноста беа упатени бројни критики на негова смета, пред се поради неговиот однос кон тимот, што можеше да се види и кога доби шанса против Вотфорд во финишот минатиот викенд.
Останува да видиме дали ќе биде во тимот за мечот против Евертон во недела, но можно е Венгер да не го вклучи во тимот, бидејќи и тој е свесен дека нема многу корист од него.