Офанзивниот играч од средниот ред е на излезна врата од Арсенал, а прашањето е дали ќе си замине сега или на лето.
Месут Озил стави до знаење дека нема намера да оди во пензија доколку си замине од Арсенал, туку дека сака или да ги брани боите на Фенербахче или да замине во клуб од американската МЛС.
На турскиот фудбалер, кој репрезентативно настапуваше за Германија бидејќи е роден таму, му е рано за пензија. Има 32 години и сѐ уште има фудбал во него. Но, за Арсенал тој е заборавен бидејќи тренерот Микер Артета не смета на него и сезонава не му даде да одигра ниту минута. Всушност, Озул нема играно од март без разлика што е фит и спремен.
„Дефинитивно ќе играм и после Арсенал. Има две држави каде сакам да играм фудбал пред да се пензионирам: Турција и САД“, рече Озил одговарајќи на прашања на Twitter синоќа.
„Ако заминам во Турција, тоа ќе биде само во Фенербахче“, стави дознаење тој, а потоа разјасни сошто би одел само во овој клуб.
„Во Германија пораснав како навивач на Фенербахче. Секој германски Турчин навива за турски тим додека расте во Германија. А, мојот беше Фенербахче. Фенербахче е како Реам Мадрид во Шпанија. Најголемиот клуб во земјата“.