Падна француската влада

Францускиот парламент денеска синоќ изгласа недоверба на владата предводена од премиерот Мишел Барнје.

За недоверба на владата гласаа 331 пратеник, значително повеќе од потребното мнозинство од 288.

Малцинската центристичка влада предводена од Барнје беше на немилост на левичарскиот сојуз на Новиот народен фронт (НФП) и екстремно десничарскиот Национален собир (РН) предводен од Марин Ле Пен, кои заедно имаа доволно претставници за да ја соборат од власта.

Францускиот претседател Емануел Макрон има намера брзо да постави нов премиер откако парламентот и изгласа недоверба, јавува Reuters.

Еден од изворите за Reuters рече дека Макрон се надева дека ќе има некого веќе во сабота, кога новоизбраниот американски претседател Доналд Трамп ќе пристигне во посета по повод отворањето на катедралата Нотр Дам.

Макрон сè уште не одлучил, но луѓето на неговата листа се левичарот Бернар Казнев, поранешниот министер Гзавје Бертран и министерот за вооружени сили Себастјан Лекорну.

Останува да се види дали екстремно десничарската партија Национален собир на Марин Ле Пен ќе биде подготвена да го поддржи предложеното име на Макрон или ќе се обиде да го собори кандидатот со итно гласање недоверба, најверојатно во договор со левицата.