Корисниците на Facebook и Instagram ширум светот се соочуваат со бројни проблеми при користењето на популарните социјални мрежи во изминативе неколку часа.
Пријави за проблеми со користењето на социјалните мрежи стигнуваат речиси од насекаде низ светот.
Според Downdetector, страница за следење на работата на разни социјални мрежи, корисниците почнале да пријавуваат проблеми во попладневните часови, а во изминатиов час не нивните уреди не успевале да ги вчитаат содржините ни на Facebook, ни на Instagram.
Наместо ажурирање на статусот, корисниците ја добиваат пораката: „Извинете, нешто не е во ред“.
Засега нема официјално соопштение од компанијата. Facebook го купи Instagram во април, 2012 година за речиси 1 милијарда долари во кеш и акции.
Дали вие забележавте некакви проблеми со вчитувањето на Facebook или Instagram?