Третиот турнирски носител Роџер Федерер, рано утрово загуби со 3:2 од бугарскиот тенисер Григор Димитров во четвртфиналето на Грен слемот УС Опен.
Во меч што траеше три часа и десет минути, Федерер двапати водеше, но на крајот мораше да му честита на упорниот противник. Резултатот по сетови: 6:3; 4:6; 6:3; 4:6 и 2:6.
Противник на Димитров во полуфиналето ќе биде Русинот Данил Медведев (5. носител) кој во првото четвртфинале го совлада Стен Вавринка со 3:1.
Наградниот фонд на Грен слемот во Њујорк изнесува 57,2 милиони долари.
