Роберт Левандовски е добитник на наградата на ФИФА за најдобар играч за 2020 година.
Полјакот победи на изборот на кој гласаа капитените на репрезентации, селекторите и по еден новинар од секоја земја членка на ФИФА и освои вкупно 52 бода.
Двајцата ривали во најтесната конкуренција – Кристијано Роналдо и Лионел Меси - се на второ и трето место, со 38, односно 35 освоени бодови.
Објавени се листите кој како гласал, вклучувајќи ги и македонските претставници во изборот.
Меси не му дал ниту еден бод на Роналдо, туку гласал за Нејмар, Килјан Мбапе и за Левандовски. Роналдо, пак, гласал за Левандовски, Меси и Мбапе. Победникот Лева гласал за Тијаго Алкантара, Нејмар и Кевин де Брујне.
Капитенот на македонската репрезентација Горан Пандев ги избрал Левандовски (5 бода), Мбапе (3) и Де Брујне (1 бод), додека селекторот Игор Ангеловски гласал за Лева, Меси и Мохамед Салах.
Новинарот Мијалче Дургутов бодовите ги поделил на Левандовски, Де Брујне и Салах.
Кој како гласал, може да видите ТУКА.
