Дали е можно уште еден македонски фудбалер да пристигне на Чизмата? Синоќешниот Instagram разговор на Бобан Николов откри таква пикантерија.
Бобан Николов гостуваже во живо во Instagram разговор кај Илија Несторовски и меѓудругото, откри дека Пандев работи на случајот тој да му се приклучи во Џеноа.
„Го чекам Пандев да ја заврши работата за во Џеноа“, рече Николов потоа низ смеа додавајќи „за да има кој да му асистира“, алудирајќи на тоа дека тој би придонел за повеќе голови на Гоче.
Воедно, Николов откри и дека моментално учи итлијански, што само потврдува дека се спрема за трансфер. Николов пет години настапуваше во Романија, добро зборува романски што е олеснителна околност со оглед на тоа што романскиот и италијанскиот се јазици од иста група, иако меѓусебно се тешки за комуникација.
Исто така, Николов откри дека во два наврата одбил да настапува за репрезентациајта на Романија. Петгодишниот престој во земјата му даде право според правилата на ФИФА да игра за Романија, меѓутоа Николов уште тогаш бил одлучен да ги брани боите само на Македонија. Инаку, тоја им и романски пасош и без проблем настапува како ЕУ играч.