Фудбал

Пандев испратен со овации: Благодарам, Неапол!

10. ноември 2019 - 12:18 | А.С.

Македонската фудбалска ѕвезда Горан Пандев преку социјалните мрежи се заблагодари за аплаузот кој го доби синоќа на стадионот „Сан Паоло“ во Неапол.

Пандев, кој е капитен на македонската репрезентација, сега е и капитен на Џенова, со гордост ја носеше лентата, а на гостувањето кај Наполи, излезе од игра во 61. минута.

Додека излегуваше од терен, доби овации и аплаузи од публиката во Неапол, која не го заборава неговиот придонес кој го даде за клубот додека играше таму.

„Секогаш кога се враќам на Сан Паоло, се чувствувам како дома. Благодарам Неапол!“, напиша Пандев.

 
 
 
 
 
 
 
 
 
 
 
 
 

Ogni volta che torno a San Paolo mi sento a casa...GRAZIE NAPOLI

A post shared by Goran Pandev (@goranpandev19) on

Синоќа на мечот играше уште еден наш репрезентативец, Елиф Елмас, кој влезе како резерва на Наполи во вториот дел на местото на Лоренцо Инсиње, во 66. минута.

Коментирај