Дали Горан Пандев повторно го одложи пензионирањето? Неговата е желба да игра на домашен терен против великанот Германија, натпревар кој е закажан за октомври наредната година.
Жрепката за квалификациите за Мундијалот во Катар 2022 ја смести македонската репрезентација во група со Германија, за прв пат овозможувајќи дуел со четирикратниот светски шампион.
Еден од оние кои го коментираа исходот од жрепката е капитенот Горан Пандев, кој најави желба која се коси со неговите планови за пензионирање после ЕУРО.
„Би сакал да играм со Германија во Скопје пред полни трибини. Оваа генерација пред себе има Европско првенство, но и шанси за добри квалификации и напад на второто место во оваа група“, рече Пандев, изјава пренесена од ФФМ.
Пандев ова го кажа пред да биде направен распоред на натпревари. УЕФА натпреварот Македонија - Германија го смести, неверојатно, на 11 октомври 2021, на денот кога го празнуваме почетокот на ослободувањто во Втората светска војна.
Скоро и селекторот Игор Ангеловски најави дека ќе проба да го убеди Пандев да не се пезионира, а очигледно групата по мерка сега го премислува и самиот Горан.
Квалификациската група е сосема поволна за Македонија. Германија е апсолутен фаворит, но било кој и да паднеше од првиот барабан секкао ќе беше фаворит за првото место, единствено кои носи директен пласман на Мундијалот. Затоа пак, ниту Романија, ниту Исланд, а уште помалку Ерменија и Лихтенштајн се непобедливи. Македонија има група во која е возможно да заврши втора, нормално, со многу труд и пот. Групоа која влева надеж за пласман во бараж и, зошто да не, нова историја, пласман на Мундијал.
