Фудбал

Пандев: Среќен сум за јубилејот, но најважна е победата против Летонија

20. март 2019 - 15:32 | МИА

Скопје, 20 март 2019 (МИА) – Капитенот на репрезентацијата на Македонија, Горан Пандев, пред утрешниот јубилеен 100-ти натпревар во дресот на националниот тим против Летонија во квалификациите за ЕП 2020, не го криеше задоволството и посака да го заокружи ова достигнување со победа и гол.

Дуелот се игра утре на Градскиот стадион во Скопје со почеток од 20:45 часот.

„Сигурно дека сум среќен за овој 100-ти натпревар, мој убилеј, но за нас најважно е да влеземе максимално ангажирано во овој натпревар. Се надевам дека на овој јубилеј ќе оствариме победа. Се надевам дека и публиката ќе дојде во што поголем број. Оваа генерација тоа го заслужува, а поддршката е многу важна. Во последните години ја вративме самодовербата на оваа репрезнтација, имаме одлична атмосфера. Функционираме како една фамилија и се надевам дека прва цел е победата, а дури потоа да постигнам гол на овој јубилеј“, рече капитенот Пандев.

Коментирај