СЕРИЈА А 2019/20

Пандев стигна до 90 голови во Серија А, уште 10 до легендите

Нашиот најдобар фудбалер со вчерашниот нов гол дојде до бројката од 90 голови постигнати во едно од најсилните првенства во светот.

Рома ја имаше честа да биде клубот против кој Горан Пандев ќе прослави 90-ти гол во Серија А. Македонската гордост со вчерашниот погодок сега е на само 10 голови од влез во легендите.

Досега 83 фудбалери успеале да дојдат до бројката од 100 гола во италијанската лига. Легенди како Силвио Пиола, Франческо Тоти, Гинар Нордал, Џузепе Меаца, Антонио Ди Натале, Роберто Баџо, тие имаат и над 200, а нашиот Горан би можел да влезе во клубот 100 доколку продолжи со исто темпо.

Пандев вчера го одигра 427-миот натпревар во Серија А. Своето деби го имаше во дресот на Анкона на 2 ноември 2003 година кога ги одигра последните 7 минути во ремито без голови дома со Сиена. Првиот гол во Серија А го постигна во поразот од 3:2 на гости кај Болоња на 7 декември истата година. Тоа му беше и единствениот гол во дваесетте натпревари во дресот на Анкона.

(на 1:58)

Наредните пет сезони ги мина во Лацио каде на 159 натпревари постигна 48 голови. Неславно се раздели, цел есенски дел од сезоната 2009/10 беше вон тимот откако клубот го условуваше дека нема да игра сѐ додека не потпише нов договор по што Лега Калчо пресуди во корист на Пандев кој веднаш премина кај Интер на Жозе Мурињо. Со Лацио еднаш ја освои Копа Италија.

Во Интер играше сезона и пол забележувајќи 47 настапи и 5 голови. Иако се задржа кратко, таму Пандев всушност ги забележќа најголемите успеси во кариерата. Триумфираше во Лигата на шампиони, Светско клупско првенство, го освои и своето единствено Скудето, потоа италијанскиот Суперкуп и двапати Копа Италија.

Следуваше трансфер во Наполи и 92 натпревара за три сезони зачинети со 19 голови. Со тимот од Неапол на двапати ја освои и Копа Италија.

По неславната авантура во турски Галатасарај во сезоната 2014/15, Пандев се врати во Италија, овој пат во Џеноа. Веќе петта сезона ги брани боите на „Грифоните“, а синоќа го одигра 110-тиот натпревар и го постигна 17-тиот гол.

(на 1:55)

Во Калчо лигата има уште 18 кола до крајот на сезоната. Доколку Пандев навистина планира ова да му биде последната сезона и да оди во пензија, тоа значи дека има уште 18 натпревари шанса да постигне 10 голови и да влезе во легендите.

реклама

Фудбал

Чеферин: Во иднина нема да се повтори Ф8 форматот

Read more

Озил бара поддршка за „Muslim Lives Matter“

Read more

Гасперини: Штета, помисливме дека сме во полуфинале

Read more

Сити испрати понуда за Кулибали

Read more

Спорт

Чеферин: Во иднина нема да се повтори Ф8 форматот

Читај повеќе

Ѓоковиќ одлучи да игра на УС Опен

Читај повеќе
  • filter

Озил бара поддршка за „Muslim Lives Matter“

Читај повеќе

Гасперини: Штета, помисливме дека сме во полуфинале

Читај повеќе

Сити испрати понуда за Кулибали

Читај повеќе

Пирло сака да го донесе Џеко во Јувентус

Читај повеќе
  • play_arrow

10 фудбалски легенди кои ќе се пензионираат до следната сезона

Читај повеќе

Формирани двојките за првото коло од НБА плејофот на Истокот

Читај повеќе
  • play_arrow

ПСЖ за три минути стигна до полуфиналето

Читај повеќе