Доскорешниот капитен на македонската фудбалска репрезентација, Горан Пандев преку својот Instagram профил му испрати порака на селекторот Благоја Милевски во врска со синоќешниот пораз од Бугарија (0:1).
Во објавеното Instagram Story, Пандев стави три емотикони кои означуваат „замолчи“.
Не е јасно дали пораката на Пандев е несогласување со изјавата на Милевски дека македонската репрезентација играше добро во ова издание на Лигата на нации, или можеби е „погоден“ од зборовите на селекторот искажани синоќа на прес-конференцијата дека „црвено-жолтите“ пласманот на претходното Европско првенство го изборија со полесни ривали во Д-сегменот, а не низ евро-квалификациите.
Македонската репрезентација Лигата на нации 2022 ја заврши на третото место во четвртата група со биланс од две победи, три пораза и еден нерешен резултат.
