Дал гол во римското и миланското дерби, но никако не му оди против Сампродија. Вечерва ќе има нова шанса, можеби претпоследна во кариерата.
Горан Пандев и неговата Џеноа вечерва го играат градското дерби против Сампдорија, едно од четирите големи градски дербија во Италија.
Можеби ја нема звучноста на дербијата Интер - Милан и Рома - Лацио, но таканареченото Дерби дела Лантерна го има најдобриот шмек од сите, благодарение на навивачите и атмосферата која ја прават на стадионот „Луиџи Ферарис“ кој за жал вечерва ќе биде речиси празен, од добро познатите причини.
Пандев ја игра шестата сезона во дресот на Џеноа, постигна 22 гола досега, но ниту еден во градското дерби. Од 10 дербија, Горан досега играше само на 5: дури 4 пати преседа на клупата за резерви, а еднаш поради суспензија за црвен картон не ни беше во тимот.
Вечерва од 20:45 часот Сампдорија и Џеноа го играат 75-тото дерби во рамките на Серија, а 102. во сите натпреварувања. Води Сампдорија со 29 наспроти 19 победи во Серија А или 40 наспроти 25 вкупно. Првото дерби се одиграло на 3 март 1947 година Кога Сампдорија победила со 3:2 како гостин.
Статистика на Пандев во градските дербија:
Дерби дела Капитале
натпревари: 8
победи: 3
нерешени: 2
порази: 3
голови: 2
асистенции: 2
Дерби дела Мадонина
натпревари: 3
победи: 1
нерешени: 0
порази: 2
голови: 1
асистенции: 1
Дерби дела Лантерна:
натпревари: 5
победи: 1
нерешени: 1
порази: 3
голови: 0
асистенции: 1