Паника во Сити – Ерлинг Халанд на патерици

Најдобриот стрелец на Манчестер сити, Ерлинг Халанд, по пласманот на неговиот тим во полуфиналето на ФА купот стадионот „Виталити“ во Борнмут го напушти со помош на патерици.

Норвежанецот промаши пенал во 14. минута, а потоа погоди во 49-тата. Се повреди по еден час игра. Го повреди скочниот зглоб на посилната, лева нога, поради што ногата му е во лонгета и мора да оди со помош на патерици.

Сѐ уште не е познато колку долго ќе биде надвор од терените. Сити победи и се пласираше во полуфиналето благодарение на голот на Египќанецот Омар Мармуш, кој го замени Халанд и го реши натпреварот по само две минути од влегувањето на теренот.

Сити во полуфиналето ќе игра против Нотингем Форест. Во второто полуфинале ќе се соочат Кристал Палас и Астон Вила.