Папата Франциско денес изјави дека се плаши од нуклеарна војна, и дека сега светот е дојден на еден чекор од неа, пренесува Ројтерс.
Тој ги искажа ставовите за време на летот кон Јужна Америка, каде треба да ги посети Чиле и Перу. На директното прашање дали е загрижен поради можноста за нуклеарна војна папата одговори потврдно.
„Мислам дека сме на самата граница, на работ. Навистина се плашам од тоа. Еден инцидент е доволен за да почне сѐ“, изјави тој.
Во изјавата не напомена ниту една држава по име. Но, земајќи ја во обзир кризата во односите помеѓу Северна Кореја и САД, како и напорите на Иран да направи свое нуклеарно вооружување, веројатно мислеше на нив.
Папата уште еднаш ги посети присутните во авионот на сликата која му оставила голем впечаток додека бил на посета во Азија. Имено, на сликата може да се види дете кое на грбот го носи телото на неговиот мртов брат, кој загинал за време на нуклеарниот напад на Јапонија во 1945 година.
„Сакам оваа фотографија да се испечати во милијарди примероци и да се подели на секого на овој свет, за да не потсети на ужасите кои ги носи нуклеарното вооружување“, додаде Папата Франциско.