Ватикан, 7 март 2020 (МИА) – Папата Франциско ги откажа сите јавни настапи со цел да избегне собирање и контакт на голем број луѓе поради епидемијата на новиот корона вирус.
Како што соопшти неговата служба, папата ќе им се обраќа на верниците преку интернет.
Ватикан соопшти дека папата утре нема да им се обрати на верниците од прозорецот со поглед кон црквата „Свети Петар“, ниту во среда.
Ова е првпат 83-годишниот папа да ги откаже јавните настапи откако беше назначен на функцијата.
Кон крајот на февруари папата не се чувствуваше добро, но беше тестиран и е негативен на корона вирусот Covid-19. Светските агенции потсетуваат дека папата генерално е во добра здравствена состојба. Како млад загубил дел од белите дробови поради респираторна болест, а има и ишијас кој му го отежнува одењето.