Американскиот претседател Доналд Трамп денеска се сретна со папата Фрањо во третата фаза од неговата посета во странство.
За време на состанокот зад затворени врати што траеше речиси половина час, папата го замолил Трамп да биде миротворец, а тој ветил дека нема да ја заборави неговата порака.
По средбата, Ватикан објави дека имало „размена на мислења“ околу неколку интернационални проблеми и се зборувало и за потребата да се продолжат добрите билатерални односи.
По посетата на Италија на која Трамп треба да се сретне со италијанскиот премиер и со претседателот, тој заминува за Брисел на самитот на НАТО.
Меланија и Иванка Трамп го придружуваа претседателот во Ватикан каде дојдоа облечени во црно, со црни превези на главите, што е во согласност со традицијата на Ватикан и се смета за почитување, но не е задолжително.