Папата Франциск слета во Индонезија, започнувајќи го најдолгото патување на понтификатот во странство, кое ќе го однесе во четири земји во Југоисточна Азија и Океанија во следните 12 дена.
87-годишниот поглавар на Католичката црква пристигна во Џакарта по повеќе од 13-часовен лет од Рим, од каде со специјален лет на италијанската авиокомпанија ITA Airways.
Со повеќе од 240 милиони муслимани, Индонезија е најнаселената муслиманска земја во светот. Понатамошни постојки ќе бидат Папуа Нова Гвинеја, Источен Тимор и Сингапур.
45-тото патување на папата во странство во неговиот 11-годишен понтификат особено ќе се фокусира на мирниот соживот меѓу различните религии.
Од четирите земји што има намера да ги посети, само во Источен Тимор мнозинството од населението се идентификува како католичко.
Со оглед на возраста и здравјето на папата, кој сега често користи инвалидска количка, паузите меѓу неговите патувања во странство станаа подолги.
Последното големо патување на папата во странство беше пред една година, кога ја посети Монголија.
Франциск треба да посети повеќе од 40 настани за време на патувањето, а некои набљудувачи велат дека неговата маршрута треба да покаже дека е сè уште способен да ја води Црквата со 1,4 милијарди членови, и покрај неговата возраст и фазите на лошо здравје.
Турнејата во Азија ќе биде 45-то патување на Франциск во странство од неговиот избор во март 2013 година. Тој често зборува за контактирање со луѓе или групи на маргините на општеството и има приоритет на патувањата до местата што папата никогаш претходно не ги посетил или каде што католиците се малцинство.
Папата ќе има официјални средби со политичките власти, дипломатите и локалните католици во секоја од четирите земји. Тој, исто така, ќе води масовни прослави на отворено во сите четири земји.
Католичките власти генерално ја гледаат Азија како плодна почва за ширење на верата, која бележи пад во западните земји.
Но, ова патување ќе се фокусира и на прашањето за климатските промени. Франциск водеше силна кампања за Парискиот климатски договор од 2015 година. Неговите помошници велат дека тој сака да продолжи со своите апели за опасностите од брзото затоплување на светот, а особено да ги поддржи најранливите.
Со оглед на возраста и здравјето на папата Франциско, кој сега често користи инвалидска количка, паузите меѓу неговите патувања во странство станаа подолги.
Сепак, ниту еден папа никогаш не отишол на турнеја во странство на толку напредна возраст.
Бенедикт Шеснаесетти, непосредниот претходник на Франциск, се повлече од функцијата на 85-годишна возраст.
Јован Павле Втори, кој боледувал од Паркинсонова болест, последен пат бил во посета на странска земја на 84-годишна возраст.
На оваа турнеја папата Франциск со авион ќе помине вкупно повеќе од 30.000 километри. Тој треба да се врати во Рим на 13 септември.
Посетата на Луксембург и Белгија е негово следно патување во странство подоцна овој месец.
