Фудбал

Парагвајците им пратиле проститутки на фудбалерите од Венецуела пред решавачкиот натпревар

13. октомври 2017 - 9:56 | А.С.

Фудбалерите на Парагвај изгубија на домашен терен од Венецуела со резултат од 1:0 во последното коло од јужноамериканските квалификации за Светското првенство и останаа без пласман во Русија.

Венецуела, која натпреварувањето го заврши на последно место, чесно си одигра иако домаќините направија сѐ што требаше и не требаше за да дојдат до победа, на теренот и надвор од него.

Селекторот на Венецуела Рафаел Дудамел откри дека вечерта пред натпреварот, во хотелот каде биле сместени фудбалерите на неговата репрезентација се појавиле проститутки кои биле платени да се дружат цела ноќ со Венецуелците.

„Во хотелот дојдоа неколку девојки. Јасно ни беше која им е намерата. Меѓутоа, фудбалот напредуваше и играчите веќе не наседнуваат така лесно на ‘местенки’ како оваа. Не знам кој ги пратил девојките во хотелот, ама мислам дека сѐ е јасно. Тоа е стара тактика“, рече Дудамел алудирајќи на челниците на Фудбалскиот сојуз на Парагвај.

Коментирај