Младите Јапонци не се заинтересирани за љубов и секс, а бројот на самци во земјата постојано расте. Сексуалниот живот е замрен, а кој не е во брак, живее со родителите.
„Околу 25 проценти од денешната младина во Јапонија веројатно ќе остане без партнер и без брак во текот на целиот живот“, вели професорот Масахиро Јамада од Универзитетот Чуо.
Тој го употреби изразот „паразитски самци“ за да ги опише оние кои не се во брак и живеат со родителите, на нивни трошок. Во последните 30 години драматично порасна бројот на самци. Резултат на тоа е нација со луѓе кои не сакаат да имаат секс.
Истражување на Универзитетот во Токио покажа дека секоја четврта жена и секој трет маж во касните триесетти години е осамен и без партнер. Половина од нив не се заинтересирани за хетеросексуални односи, покажало истражувањето.
Јапонските медиуми постојано известуваат за порастот на невиноста и за падот на интересот за сексуални односи и врски меѓу младите.
Во Јапонија има сè помалку романтични врски, а популацијата старее побрзо отколку во која било друга индустриска земја во светот.