Аргентинскиот интернационалец се надева дека неговиот сонародник наредната сезона ќе го облече дресот на ПСЖ и како што вели, сите во тимот се надеваат на такво нешто.
Леандро Паредес се придружи во апелот на Нејмар кон Лионел Меси за аргентинската ѕвезда да премине во ПСЖ. Јасно е дека Меси по завршувањето на тековнава сезона ќе си замине од Барселона. Договорот му истекува во јуни, а лошите односи со клубот направија тој да бара трансфер уште летово.
„Меси во ПСЖ? Се надевам, сите посакуваме тој да ни се придружи, но на крајот тоа ќе биде негова одлука“, вели Паредес за ESPN.
„Имаме неверојатен состав со добри играчи и добри луѓе, го искористуваме тоа. Како што реков, се надевам дека Меси ќе ја донесе за него најдобрата одлука, но ние ќе го пречекаме со раширени раце“.
ПСЖ синоќа го совлада Мначестер Јунајтед со 3:1 на гости, а по натпреварот Нејмар го повтори својот став.
„Она што најмногу го посакувам е повторно да играм со него. Тој може и да игра на мојата позиција, нема да ми биде проблем. Без размислување, наредната сезона може така да играме“, рече Нејмар низ смеа.
Нејмар и Меси играа заедно во Барса од 2013 до 2017, додека Паредес е колега со Меси во репрезентацијата на Аргентина.