Властите во Париз најавија дека планираат да ги забранат сите мотори на внатрешно согорување најдоцна до 2030 година.
Оваа мерка ги опфаќа возилата со бензински и дизелски мотори.
„Се работи за долгорочно планирање и стратегија која има за цел да ја намали емисијата на штетни гасови кои предизвикуваат ефект на стаклена градина“, изјави Кристоф Нажоски, задолжен за сообраќајната политика во кабинетот на градоначалничката Ана Хидалго.
Париз во 2024 година ќе биде домаќин на Летните олимписки игри, претходно склопи меѓународен пакт против климатски промени и го најави забранувањето на возила со мотори со внатрешно согорување.
Проширувањето на забраната на бензински автомобили изгледа како многу радикална промена во метрополата која е една од најпосетените во светот.