Возачот на автомобилот што удри во комбето на француската жандармерија починал од здобиените повреди.
Откако удрил во комбето на жандармеријата на париската улица Шанзелизе, автомобилот експлодирал и се запалил. Во инцидентот нема повредени полицајци.
Париската полиција покренала истрага, и се верува дека се работи за терористички напад, бидејќи во возилото се пронајдени калашников, пиштоли и димни бомби.
Околу прометната Шанзелизе е зголемена безбедноста, со препорака до граѓаните да го избегнуваат центарот на Париз.