Една година откако започнаа со тестирањата во музејот Mercedes-Benz во Штутгарт, германските гиганти Daimler и Bosch го отворија својот прв автоматски паркинг пилот во Пекинг.
Автоматското паркирање на автомобилите, во мерка во која е тоа законски дозволено таму каде што се користи, им овозможува на возилата да преминат на одреден простор и корисникот да го преземе возилото преку својот паметен телефон.
Изборот на градот исто така не е случаен, во однос на тоа дека Daimler неодамна стана првиот странски произведувач, кој доби лиценца за тестирање на возила со технологија за автономно возење во главниот град на Кина.
Автоматскиот паркинг пилот е важен чекор во системот за автономно возење, а се базира на интелигентна инфраструктура која ја разви Bosch.
Овој систем му овозможува на возачот да го заобиколи процесот на мануелно паркирање, односно да го паркира возилото преку сопствена команда на автомобилот, бидејќи сега со помош на паметниот телефон автомобилот може сам да се паркира.
Возачот мора да го доведе автомобилот до одредено место за оставање на возила, а потоа да ја отвори апликацијата на смартфонот за да го испрати на доделеното паркинг место.
Откако интелигентниот систем инсталиран во паркингот ќе го регистрира автомобилот, тој овозможува автомобилот да се движи и автоматски да го паркира.
Сензорите, кои се инсталирани во објектот за паркирање, го следат движењето на возилото и неговото окружување и го контролираат, а технологијата во автомобилот одговара на командите кои ги добива од системот.
Кога корисникот е подготвен да го преземе автомобилот, повторно ја користи апликацијата и чека системот да го донесе на местото предвидено за преземање на возилата.
Овој систем ќе биде дополнително тестиран од страна на Daimler и Bosch, во центарот за истражување и развој, Mercedes-Benz, во Штутгарт.