Бугарската партија на десниот центар (ГЕРБ) на поранешниот премиер Бојко Борисов победи на вчерашните парламентарни избори со околу 24,6 до 25,5 отсто од гласовите, покажуваат излезните анкети на Gallup International и Alpha Research.
Се очекува партијата „Продолжуваме со промени“ (ПП) на реформистиот премиер Кирил Петков, чија коалициска влада падна во јуни, да освои меѓу 18,9 и 19,9 отсто на предвремените избори, четврти за помалку од две години.
Проблем со наоѓање коалициски партнери
Исто како и минатата година, Борисов (63), кој вети дека „ќе донесе стабилност и ќе биде посилен од хаосот“, се очекува да има проблем да најде коалициски партнери меѓу неговите главни ривали кои го обвинуваат дека дозволил да расте корупцијата за време на неговото десетгодишно владеење. кој заврши во 2021 година
Неуспехот да се формира функционална влада ќе ја продолжи политичката нестабилност и ќе ги зголеми шансите Софија да го пропушти целниот датум за приклучување кон еврозоната во 2024 година.