Чипсот од тестенини е една од многуте TikTok сензации. Ова популарно јадење е направено од варени тестенини прелиени со маслиново масло, пармезан и зачини, кои потоа се пржат додека не станат крцкави.
Оригинално наречен паста чипс, излегува толку крцкав и совршен за потопување во вашиот омилен сос што го прави особено погоден за сервирање како предјадење.
Можете да користите какви било тестенини по ваш избор - сѐ што можете да зграпчите со прстите и да потопите.
Пармезанот дава одличен вкус и станува крцкав дури и со пржење, а можете да го замените со меки сирења кои добро се рендаат, како на пример гауда.
За чипс:
- 250 gr тестенини
- 1 лажица маслиново масло
- 3 лажици рендан пармезан
- ½ лажичка италијански зачини
- ½ лажичка лук во прав
- сол
- бибер
За сос:
- 120 gr рендано фета сирење
- 50 gr грчки јогурт
- 1 чешне лук
- 2 лажици маслиново масло
Тестенините сварете ги ал денте според упатството на пакувањето и исцедете ги.
Потоа извадете ги од тенџрето, распоредете ги на тава и прелијте со маслиново масло, пармезан, италијански зачини, лук во прав, сол и бибер.
Пржете во фритеза или печете во рерна на 200°C околу 12-15 минути, мешајќи неколку пати.
За сосот измешајте ја распарчената фета, грчкиот јогурт и лукот и мешајте додека го додавате маслиновото масло додека фетата не стане кремаста.
