Роберт Патинсон, актер и продуцент, во интервју за магазинот The New York Times Style откри дека неговата работа на трилогијата за Бетмен на Мет Ривс може да го означи крајот на неговата повеќедецениска актерска кариера.
Првиот филм од оваа трилогија „The Batman“ беше премиерно прикажан во 2022 година, додека продолжението се очекува на крајот на 2026 година.
Патинсон зборуваше за неговата моментална состојба во кариерата и изјави: „Ставрно би можел да се пензионирам до крајот на трилогијата“, додавајќи дека не очекувал сè уште да биде активен во актерството.
„Никогаш не помислив за милион години дека сè уште ќе го работам ова по мојата прва работа. Не можам да верувам дека ова сè уште трае“, рече Патинсон.
Актерот, кој се прослави како 17-годишник со улогата во „Harry Potter and the Goblet of Fire“, а потоа стана меѓународна ѕвезда преку петте филмови во „The Twilight Saga“, објасни дека глумата бара баланс помеѓу професионалниот живот и личната дисциплина.
„Главната работа е постојано да се потсетувате што е вашата работа. Дисциплина е да не ја користите вашата енергија за ништо друго освен за тоа“, рече Патинсон.
Истакна дека неговата идеја била да го прикаже Брус како „сосем социјално неспособен и малку агорафобичен“ човек, наместо да го прикаже како стереотипен плејбој, што досега беше перцепција на ликот.
Спомна и дека една реплика од филмот му останала во меморијата: „Ако не можам ништо да сменам овде, ако не можам да имам влијание, не ми е гајле што ќе се случи со мене“.
Зборувајќи за неговата рана кариера, Патинсон призна дека бил свесен дека другите не го сфаќаат сериозно. Сега, како продуцент, чувствува дека добил поголема автономија во Холивуд.
Патинсон наскоро ќе глуми во филмот „Mickey 17“ на режисерот Бон Џун-хо, а неговата работа како продуцент му даде поголема контрола врз проектите со кои е вклучен.
