Авион на Virgin Atlantic на лет од Лос Анџелес за Лондон достигна брзина од 1.289 километри на час.
Овој подвиг се случил во понеделникот вечерта на височина од 10.668 километри над Пенсилванија, помогнат од силен ветер.
„Никогаш не сум видел нешто слично во целата моја кариера како пилот“, напиша на својот Twitter профил пилотот Питер Џејмс, капетан на патничкиот авион, објави Washington Post.
Благодарение на „Мајката Природа“, авионот стигнал во Лондон 48 минути порано и летал побрзо од брзината на звукот.
Сепак, самиот „дримлајнер“ не летал навистина побрзо од звукот, односно не ја пробил „звучната бариера“, бидејќи бил помогнат од силните ветрови.
Иако случајот е екстремен, ваквите појави не се некарактеристични за источните делови на САД, особено во зима кога поради разликите во температурата создаваат неверојатно силни ветрови на небото.
Минатиот февруари уште еден Boeing 787 достигна брзина од 1.285 км/ч над Атлантикот и стигна од Њујорк до Лондон за нешто повеќе од пет часа.
Рекордот во брзина, а воедно и време за прелетување на океанот, го држи авион на Concorde. Овој легендарен суперсоничен авион во 1996 година постигна брзина од 2.172 км/ч и летот од Њујорк до Лондон го заврши за само 2 часа, 52 минути и 59 секунди.
