Човекот познат само како Ноа кој тврди дека доаѓа од 2030 година, го помина тестот на детекторот за лаги додека одговараше на прашања за YouTube каналот за теории на заговор Apex TV.
Во интервју за Paranomal Elite претходно годинава, Ноа рече дека боледувал од анорексија и дека всушност има 50 години, но „зел лек за подмладување што го направил двојно помлад“.
Тој исто така тврди дека Доналд Трамп повторно ќе биде избран за претседател на САД, но и дека ќе стапиме во контакт со вонземјани.
„Покрај неговите контроверзни политики, Трамп повторно ќе биде избран“, вели тој. „Можете да се обидете да ја смените иднината, но не можете да ја смените. Само кажувам така како што е“, додава тој.
Во врска со вонземјаните, тој вели:
„Многу влијателни луѓе веќе разговараат со вонземјани. Тие не изгледаат како луѓето и не можат да дојдат на Земјата.“
За повеќето луѓе оваа снимка е забавна, некои веруваат во кажаното, додека трети воопшто не се убедени во тоа што го зборува Ноа.
Еден корисник на YouTube смета дека Ноа е шизофреник и затоа детекторот за лаги не покажува ништо.
Ноа претходно тврдеше дека во иднина со светот ќе доминира една Орвеловска супердржава. Филипините ќе бидат во средиштето на АСЕАНА – здружение на земји од Југоисточна Азија - The Association of South-East Asian Nations.
Супердржавата ќе ја сочинуваат Малезија, Виетнам, Брунеи, Индонезија, Камбоџа, Бурма, Тајланд, Сингапур и Филипини.