Српската актерка Паулина Манов, гостувајќи во емисијата „Realna priča“, проговори за улогата на Љиљана во филмот „Тома“ што ја направи особено препознатлива во регионот и рече дека Драган Бјелогрлиќ имал друга опција за неа.
Пред „Тома“, Манов беше позната по улогите во сериите „Камионџије д.о.о“ и „Комшије“ и филмот „Ајвар“, а со толкувањето на ликот на Љиљана во филмот на Драган Бјелогрлиќ ги освои срцата на публиката на Балканот.
Сепак, актерката за малку ќе останела без оваа улога, за која зборуваше во емисијата, велејќи дека режисерот имал друга опција за неа.
„Добив материјал за две улоги – Гоца и Љиљана, а веднаш по кастингот рече дека дефинитивно ќе играм една од тие две улоги“, откри Паулина.
Таа кажа и дека Бјелогрлиќ планирал да ѝ ја додели улогата на Гордана Здравковиќ, сопругата на покојниот пејач.
„Тој сакаше да ми ја даде улогата на Гоца, а јас ја сакав Љиљана“, рече таа.
Манов во емисијата зборуваше и за работата со режисерот и истакна колку е среќна откако добила покана за соработка на филмот.
„Со Бјела се познавам долго време, но никогаш не сме соработувале. Кога ја добив поканата за кастингот за филмот 'Тома', бев многу среќна. Сите знаеме дека Бјела сега снима филмови на највисоко ниво во секоја смисла“, рече таа.
Актерката претходно го прокоментира вниманието кое го добила поради малата, но впечатлива улога на Љиљана, велејќи дека тоа е доволно за да ги поврзе луѓето.
„Љиљана има вкупно четири-пет сцени во филмот, но тие очигледно се толку емотивно силни што луѓето успеаја да се поврзат. Многу ми е драго што успеав да ја претставам на вистински начин“, вели таа.