Хрватско-бразилскиот пар триумфираше со 2:0 над хрватско-холандската двојка и го освои турнирот за двојки на УС Опен.
Мате Павиќ и Бруну Суарис со 7-5 и 6-3 во сетови беа подобри во финалето од Никола Мектиќ и Весли Колхоф.
Хрватска немаше победник во машки двојки на УС Опен цели 50 години откако Никола Пилиќ триумфираше под знамето на Југославија. Оваа година Хрватите секако ќе се радуваа бидејќи во двете двојќи имаа претставник.
За Павиќ ова е втор Гренд Слем откако победи на Австралија Опен во 2018. Ги загуби финалињата на Вимблдон во 2017 и на Роланд Гарос во 2018.
Меткиќ, од друга страна, прв пат играше во финале на Гренд Слем во машки парови и за жал неуспешно. Лани победи на Австралија Опен, но во мешани двојки со Чехињата Барбара Крејчик.
