Пазарната вредност на американскиот производител на електрични автомобили Tesla достигна 1 илјада милијарди долари.
Цената на акциите на Tesla се зголеми за повеќе од шест отсто на 317,6 долари. Со растот на акциите, пазарната вредност на Tesla надмина 1 илјада милијарди долари.
Со ова компанијата Tesla го зазеде деветтото место меѓу највредните компании во светот.
Акциите на компанијата, чиј извршен директор е Илон Маск, пораснаа откако републиканскиот кандидат Доналд Трамп победи на претседателските избори во САД во вторникот.
Маск, еден од најголемите поддржувачи на Трамп, донираше повеќе од 130 милиони долари за неговата кампања.
Акциите на Tesla пораснаа за повеќе од 27 отсто од почетокот на неделата со изборната победа на Трамп.
