Петар Младеновски, фронтменот на групата „Суперхикс“, го изрази својот револт кој новите мерки најавени од министерот Венко Филипче кои директно удрија по музичката фела.
Пеце гостуваше во „Студио 10“ на ТВ 24 Вести каде јавно го искажа својот став и неодобрување во однос на мерките кои ги донесе Министерството за здравство.
„Оваа наша фела нема ист третман во оваа држава, третманот е дискриминација од родов, полов, социјален карактер, а сето тоа на сметка на неколку објекти кои ги кршат забраните. Во последниве месеци нашата држава е Селектодонија, селективно е сѐ“, рече Пеце.
За утре од 14 часот е најавен протест на музичките работници, на кој Пеце рече дека ќе присуствува, но не е организатор.
„Мене лично не ми е јасно кој е организатор на утрешниот протест бидејќи се наведени повече здруженија, но ќе бидам таму. Преку глава ни е од мерки, протоколи, затоа што повеќето се носат без никој стручен да биде консултиран и да ги одобри“.
