Печурките може да се подготват на милион начини, а овој е еден од најдобрите рецепти отри вкусот е - да го цитираме Чендлер - перфекција.
Печурките можете да ги послужите како прилог или како главно јадење. Направете прилог од печурки во кремаст сос од павлака за готвење и кашкавал. Вака подготвените печурки можете да ги послужите со месо, но и со салата.
Потребни состојки:
- 400 гр печурки
- 150 гр чери домати
- 1-2 чешниња лук
- 200 мл павлака за готвење
- малку беби спанаќ
- 50 гр кашкавал
- магдонос
- масло
- сол
- бибер
Подготовка:
Добро исчистете ги печурките, но немојте да ги миете. Доволно е да ги исчистите со крпа. Потоа истурете малку масло во тавата и пропржете ги печурките цели. Кога ќе бидат готови додадете ги чери доматите исечени на половинки и измешајте. Потоа додадете ситно сечкан лук, измешајте и по една минута прелијте со павлаката за готвење. Посолете и побиберете, промешајте и динстајте додека не почне да врие. Кон крајот додадете спанаќ и рендан кашкавал, па повторно сè убаво измешајте. Оставете уште неколку минути на шпорет, а потоа посипете со сечкан магдонос и послужете.
