Педро Паскал се појави на црвениот тепих за премиерата на втората сезона на The Last of Us каде беше прашан за врската со Џенифер Анистон, а актерот рече дека „би направил сè за неа“.
Репортерот на Access Hollywood се осврна на нивната неодамнешна вечера и го праша Паскал дали се обидувал да ја убеди Анистон да се приклучи на неговата хит серија на HBO.
„Или јас ќе одам во нејзината серија“, одговори Паскал, мислејќи на драмата на Анистон The Morning Show, додавајќи: „Тоа не би било страшна работа“.
На прашањето дали ќе се појави во оваа серија, Паскал рече: „Би направил сè за Џенифер“.
Актерот продолжи да зборува за Анистон и рече дека била одлична пријателка во време на „криза“: „Таа е таа личност. Таа е таа личност за сè. Навистина е“, рече тој.
Во друго интервју за Entertainment Tonight на црвениот тепих, Паскал исто така го прашуваа за познатата актерка.
„Ох, јас и Џенифер сме многу добри пријатели. Вечеравме во саботата. Тоа беше забавна мартини вечера“, рекол тој.
По оваа вечера, Паскал и Анистон поттикнаа гласини за можна врска, но извор близок до двајцата тврди дека тие се само пријатели.
