Пејачката Енџи Стоун почина на 63-годишна возраст по сообраќајна несреќа во Алабама.
Оваа вест ја потврди нејзината ќерка Дајмонд Стоун, која на својот Facebook напиша: „Мајка ми почина“.
Стоун е родена на 18 декември 1961 година во Јужна Каролина и пораснала слушајќи госпел музика, која имала големо влијание врз нејзиниот вокален стил.
Нејзиното музичко патување започнало во тинејџерските години кога станала член на хип-хоп групата The Sequence. Оваа женска рап група, која беше формирана во доцните 70-ти, го имаше хитот „Funk You Up“ кој стана една од првите успешни песни изведени од женска група.
По работата со The Sequence, Енџи Стоун ја продолжи кариерата во бендовите Vertical Hold и Devox каде истражуваше помодерен R&B звук, но сепак ги задржа своите корени во соул и госпел.
Како соло уметник, нејзиниот албум Black Diamond доби критичко и комерцијално признание. Албумот содржи хитови како „No More Rain“, песна инспирирана од класичниот соул звук на „Gladys Knight & The Pips“. Нејзиниот моќен вокал, интроспективни текстови и продукција веднаш ја издвојуваа како значајна фигура на музичката сцена.
Нејзиниот втор албум Mahogany Soul дополнително го зацврсти нејзиниот статус со песната „Wish I Didn'T Miss You“. Покрај музиката, Енџи се занимавала и со глума. Таа се појави во филмовите The Hot Chick, The Fighting Temptations, School Girls, како и во епизодите на Moesha, Girlfriends и Lincoln Heights.
