Претстојното Европско првенство ќе биде посиромашно за еден од најдобрите дефанзивци на денешницата откако самиот Ван Дајк одлучи дека е подобро да не ризикува поради повредата.
Холандија ќе биде ослабена на ЕУРО без својот капитен и столб во одбраната, Вирхил ван Дајк. Најдобриот играч на Европа за сезоната 2018/19 и второпласиран на Златна топка за 2019 одлучи да не ризикува со повредата на коленото поради која не игра уште од октомври.
„Рехабилитацијата се одвива добро, досега немам никакво назадување или било што, само глатко напредувам. Се наоѓам во период кога треба да донесам одлука: дали да одам на ЕУРО или не?“, вели Холанѓанецот во изјава за клупската веб-страница на Ливерпул.
Тој се повреди при еден судир во голманот на Евертон, Џордан Пикфорд, за време на градското дерби на 17 октомври лани при што мораше да го напушти теренот по само 10 минути игра. Испитувањата покажаа дека повредата е сериозна и станува збор за пукнатина на предниот вкрстен лигамент на коленото.
„Со оглд на тоа што сѐ оди како што треба, физички чувствувам дека правилна е одлуката да не одам на ЕУРО, туку да се посветам на последната фаза од рехабилитацијата за преме на предсезоната. Така да фокусот ќе ми биде на предсезоната со мојот клуб и тоа е реална цел“.
Холандија на ЕУРО е во групата Ц заеднос Македонија, Австрија и Украина.
„Нормално, разочаран сум што нема да играм на ЕУРО, што нема да ја предводам мојата земја таму, но работите се такви какви пто се и морам да го прифатам тоа - сите мораме да го прифатиме. Верувам дека одлуката да не одам е правилна. Тешко е, но се помирив“, заврши Ван Дајк.
Ван Дајк е репрезенттаивец на Холандија од 2015 година и досега одигра 38 натпревари и 4 постигнати голови. Бидејќи Холандија не играше ниту на ЕУРО 2016 ниту на Мундијалот во 2018, Ван Дајк сѐ уште нема настап на големо натпреварување и според последниот развој на настаните ќе мора да почека и да се надева дека Холандија ќе се квалификува за Мундијалот во 2022.
