Пехарот на УЕФА кој синоќа му беше доделен на новиот европски шампион денеска пристигна во Рим.
Не си дојде дома како што се надеваа Англичаните, туку пехарот наречен „Анри Делоне“ замина за Вечниот град, градот кон кој водат сите патишта - Рим.
Именуван е во чест на Французинот Анри Делоне, првиот генерален секретар на УЕФА кој прв ја добил идејата за организирање на Европско првенство, но починал пет години пред првиот континентален собир во 1960. Сонот на Делоне за ЕУРО датира уште од 1927 година. Тежок 8 килограми и висок 60 сантиметри, пехарот не е идентичен со оригиналниот бидејќи од 2008 беше „реновиран“ за да биде поголем.
Италијанците утринава со чартер лет пристигнаа од Лондон во Рим и го додесоа пехарот, како што и ветуваа, во Рим наместо „дома“.
За Италија ова е второ освојување на овој пехар, но прво после 1964. Досега го имаат освоено и СССР (1960), Шпанија (1964, 2008 и 2012), Германија (1972 и 1996), Чехословачка (1976), Франција (1984 и 2000), Холандија (1988), Данска (1992), Грција (2004) и Португалија (2016).
