Пеле, кој и официјално важи за најдобриот фудбалер во 20 век, е примен во болница во Сао Паоло.
Според медиумите, состојбата на бразилскиот ас е многу лоша. Веќе подолго време боледува од рак на дебелото црево и засега терапите не помагаат.
Пеле во неколку наврати има одено во болница, од каде бил пуштен по хемотерапија.
Иако медиумите пишуваат дека неговата состојба е многу лоша, се огласи и неговата ќерка која соопшти дека немало итни или отежнувачки околности.
Пеле е единствениот играч во историјата кој три пати го има освоено Светското првенство. Тој сè уште е најдобриот стрелец во историјата на Бразил.